កំពង់ធំ៖ នគរបាលប៉ុស្តិឃុំសាលាវិស័យ ស្រុកបាល្ល័ង ខេត្តកំពង់ធំ ឃាត់ខ្លួនក្មេងៗដែលកែសំឡេងម៉ូតូលាន់ឮខ្លាំង ឱ្យផ្លុំបំពង់ស៊ីម៉ាំងចេញជាសំឡេងមុននឹងអប់រំឱ្យទៅផ្ទះវិញ។

រឿងរ៉ាវនេះកើតឡើងនៅថ្ងៃទី១៨ ខែកញ្ញា ឆ្នាំ២០២២ និងត្រូវបានហ្វេសបុកផេកឈ្មោះ ប៉ុស្ដិ៍នគរបាលរដ្ឋបាល សាលាវិស័យ បង្ហោះកាលពីថ្ងៃទី១៩ ខែកញ្ញា។

យុវជនម្នាក់ដែលត្រូវបាននគរបាលចាប់ឱ្យផ្លុំស៊ីម៉ាំង យុវជន សៅ សុខហុង ថា៖ «ខ្ញុំបាទបានជិះម៉ូតូបំពាក់ស៊ីម៉ាំងឮបណ្ដាលឱ្យរំខានដល់អ្នកភូមិអ្នកស្រុក ក្រោយពីសមត្ថកិច្ចបានអប់រំខ្ញុំសន្យាថានឹងឈប់ធ្វើទង្វើរបែបនេះហើយ។ សុំផ្ដាំផ្ញើទៅយុវវ័យអាយុតំណាលខ្ញុំសុំកុំយកតម្រាប់តាម»។

ពលរដ្ឋជាច្រើនចូលផ្ដល់យោបល់ និងសាទរ តាមរយៈការផ្ដល់យោបាល់តាម Comment។

ពលរដ្ឋមួយចំនួនបានផ្ដល់យោបល់ថា «អោយរៀងថ្ងៃក្រោយអាក្អូន» «ខ្លុយហ្នឹងរកទិញនៅណា មើលទៅអេមពិរោះ បែបបុរាណមុនសម័យអង្គរទៀត ដែលយើងមិនធ្លាប់ស្ដាប់កន្លងមក» «អប់រំហើយថ្ងៃក្រោយកំធ្វើអញ្ចឹងទៀតរំខានដល់អ្នកដ៍ទៃ» និងដាក់ទៅខ្ញុំគាំទ្រ។

យុវជនទាំង៤ដែលត្រូវបានសមត្ថកិច្ចឱ្យផ្លុំស៊ីម៉ាំងម្នាក់ម្ដងបានទទួលស្គាល់កំហុស និងផ្ដាំផ្ញើរទៅអ្នកដទៃកុំឱ្យយកតម្រាប់តាមផងដែរ។

ពួកគេថា៖ «សូមបងប្អូនទាំងអស់គ្នាកុំយកតម្រាប់តាមខ្ញុំ»៕